Автор: Музей

Прэс-канферэнцыя «Музей. Спадчына. Памяць»

2 снежня ў 11:00 адбудзецца прэс-канферэнцыя на тэму: «Музей. Спадчына. Памяць». Яна прымеркавана да правядзення V Нацыянальнага форуму «Музеі Беларусі», які пройдзе з 3 па 4 снежня ў Мінску на базе Спартыўна-культурнага цэнтра Беларускага дзяржаўнага ўніверсітэта культуры і мастацтваў.

Нацыянальны форум «Музеі Беларусі» — унікальная пляцоўка для абмену вопытам і развіцця музейнай справы. У ім прымуць удзел больш за 80 дзяржаўных музеяў і галерэй, а таксама музейныя работнікі і міжнародныя эксперты.

Форум з’яўляецца важнай пляцоўкай для прэзентацыі музейнай справы як важнейшага адукацыйнага і выхаваўчага рэсурсу грамадства, узбагачэння духоўнага патэнцыялу нацыі, а яшчэ ў мэтах прыцягнення ўвагі наведвальнікаў музеяў, СМІ, прадстаўнікоў дзелавых колаў да музейнай справы.

V Нацыянальны форум «Музеі Беларусі»

З 3 па 4 снежня 2022 г. у г. Мінску на базе Спартыўна-культурнага цэнтра Беларускага дзяржаўнага ўніверсітэта культуры і мастацтваў пройдзе V Нацыянальны форум «Музеі Беларусі». Тэма форума – «Музей. Спадчына. Памяць».

Нацыянальны форум «Музеі Беларусі – унікальная пляцоўка для абмену вопытам і развіцця музейнай справы.

Першы Форум прайшоў у 2012 г. у Гродна, другі – у 2014 г. у Гомелі, трэці – у 2016 г. у Магілёве, чацвёрты – у 2019 г. у Брэсце ён стаў важнай і доўгачаканай падзеяй у культурным жыцці нашай краіны. У форуме прымуць удзел больш за 80 дзяржаўных музеяў і галерэй, а таксама музейныя работнікі і міжнародныя эксперты.

Падчас ўрачыстай цырымоніі адкрыцця V Нацыянальны форум «Музеі Беларусі» запланавана падпісанне пагадненняў аб супрацоўніцтве паміж музеямі Рэспублікі Беларусь і музеямі Расійскай Федэрацыі. У рамках правядзення мерапрыемства запланавана правядзенне дзелавой праграмы, якая складаецца з 4 секцый: «Патрыятычнае выхаванне праз музейную дзейнасць», «Музей – тэрыторыя гістарычнай памяці», «Музей і спадчына», «Культура і побыт беларусаў» і круглага стала па развіцці культурна-пазнавальнага турызму.

У рамках форуму будзе праведзены конкурс прафесійнага майстэрства па намінацыях: «За лепшае прадстаўленне музея на экспазіцыі форуму», «За навацыі ў музейнай дзейнасці», «За лепшы музейны праект», «За лепшую культурна-адукацыйную праграму», «За лепшае музейнае выданне».

Форум з’яўляецца адной з важных пляцовак для прэзентацыі музеяў і музейнай справы, як важнейшага адукацыйнага і выхаваўчага рэсурсу грамадства, узбагачэння духоўнага патэнцыялу нацыі, а таксама ў мэтах прыцягнення ўвагі наведвальнікаў музеяў, сродкаў масавай інфармацыі, прадстаўнікоў дзелавых колаў да музейнай справы.

Да сустрэчы на ​​V Нацыянальным форуме «Музеі Беларусі».

Запрашаем на «Калядкі ў Купалавым доме»!

З 16 снежня 2022 г. па 13 студзеня 2023 г. (акрамя выходных і святочных дзён) Дзяржаўны літаратурны музей Янкі Купалы запрашае на «Калядкі ў Купалавым доме».

Мы будзем рады бачыць нашых маленькіх сяброў з настаўнікамі, татамі і мамамі, бабулямі і дзядулямі! Кожны зможа загадаць запаветнае жаданне, калі пасябруе з Казой і дакранецца да яе чароўнага рога! Маленькія госці не застануцца абыякавымі да прагляду навагодняга лялечнага спектаклю “У пошуках Снягуркі”. І канешне, свята не адбудзецца без сюрпрызаў і памятных падарункаў!

Для маленькіх сяброў мы падрыхтавалі святочную праграму і прапаноўваем:

  • Даведацца, як беларусы адзначаюць Каляды на працягу апошніх 100 гадоў
  • павадзіць карагоды з калядоўшчыкамі і Казой
  • паспяваць ды патанчыць
  • прыняць удзел у актыўных гульнях
  • далучыца да стварэння «Елачкі жаданняў»
  • адгадаць загадкі Снягурачкі і атрымаць падарунак

Якасць аказання паслуг Музеем Янкі Купалы можна ацаніць на спецыяльным партале

Партал рэйтынгавай ацэнкі якасці аказання паслуг і адміністрацыйных працэдур арганізацыямі Рэспублікі Беларусь дае даступны спосаб для грамадзян выказаць сваё меркаванне аб якасці абслугоўвання насельніцтва дзяржаўнымі арганізацыямі, што садзейнічае павышэнню якасці аказання дзяржаўных паслуг.

Адскануйце спецыяльны qr-код, каб хутка перайсці на старонку нашага музея і пакінуць водгук

Конкурс нацыянальных відэаролікаў «МЫ»

Праца, прысвечаная беларускаму народнаму паэту Янку Купалу, прадстаўлена на Другім Усерасійскім конкурсе нацыянальных відэаролікаў «МЫ», які прысвечаны традыцыям і звычаям народаў, якія пражываюць на тэрыторыі Расіі.

Будзем вельмі ўдзячныя усім , хто падтрымае гэты анімацыйны ролік.

https://vk.com/video-192144349_456239414

У Астрахані прайшлі анлайн-чытанні, прысвечаныя 140-годдзю з дня нараджэння Янкі Купалы

18 верасня ў Астрахані прайшлі анлайн-чытанні, прысвечаныя 140-годдзю з дня нараджэння Янкі Купалы. Вершы беларускага песняра прачыталі ўдзельнікі тэатральнай студыі «Эцюд» і моладзевага Этнаклуба Дома дружбы Астраханскага абласнога навукова-метадычнага цэнтра народнай культуры.

https://t.me/aonmcnk/1415

« Предыдущие записи