Автор: Музей

Спачуванне

Апублікавана ад Пакінуць каментар

Дзяржаўны літаратурны музей Янкі Купалы, музейная супольнасць Беларусі глыбока смуткуе з прычыны трагічнай смерці дырэктара Ваўкавыскага ваенна-гістарычнага музея імя П. І. Багратыёна Канстанціна Шышмакова і выказвае спачуванні яго родным і блізкім. Яго заўчасная гібель – вялікая страта, боль і абурэнне нашых сэрцаў!
Канстанцін Андрэевіч – чалавек светлай душы, малады і таленавіты кіраўнік, якога паважалі ўсе, хто ведаў яго асабіста, і які мог зрабіць яшчэ вельмі многа для музейнай справы Беларусі. Краіна, якая ідзе ў будучыню, павінна ахоўваць і падтрымліваць свае таленты, смерць кожнага з іх – непапраўная страта для нашай Бацькаўшчыны.

100 год з дня нараджэння Ядвігі Раманоўскай

Апублікавана ад Пакінуць каментар

12 ліпеня 2020 г. споўнілася 100 год з дня нараджэння Ядвігі Юльянаўны Раманоўскай, пляменніцы Янкі Купалы, нястомнага захавальніка спадчыны Песняра.

Я.Ю.Раманоўская выступае перад мікрафонам.

Ядвіга Юльянаўна — чалавек з кагорты тых рупліўцаў беларускай культуры, якія рабілі сваю справу старанна і карпатліва, без гучных дэкларацый, але менавіта дзякуючы якім не згас агеньчык Памяці і Спадчыны.

  • Раманоўская Я.Ю. з сяброўкай у санаторыі “Чонкі” на Гомельшчыне, 1939 г.
  • Раманоўская Я.Ю. ля купалавай таполі.

Ядвіга Юльянаўна Раманоўская на працягу 42 гадоў працавала ў Дзяржаўным літаратурным музеі Янкі Купалы (1960-2002), з якіх на працягу 26 гадоў (1960-1986) галоўным захавальнікам фондаў музея, збірала купалаўскую рукапісную спадчыну, дакументы і матэрыялы да біяграфіі Янкі Купалы і яго асяроддзя, успаміны пра Песняра сучаснікаў паэта, прымала ўдзел у стварэнні экспазіцый і выставак у музеі і яго філіялах. Аўтар і рэцэнзент шматлікіх артыкулаў энцыклапедычнага даведніка «Янка Купала», буклетаў, артыкулаў у перыядычным друку. Дзякуючы намаганням Ядвігі Юльянаўны ўсталяваны мемарыяльныя дошкі, увекавечаны мясціны, звязаныя з жыццём і творчай дзейнасцю Янкі Купалы.

  • У.Ф. Луцэвіч і Я.Ю.Раманоўская ў музеі Тараса Шаўчэнкі ў Кіеве. 1953 г.
  • Я.Ю. Раманоўская, Герой Савецкага Саюза лётчык Аляксей Грацыянскі і паэтэса Марыя Камісарава ля помніка Янку Купалу ў Вязынцы. 1975 г.

Музей ушаноўвае памяць пляменніцы Янкі Купалы, працягвае яе руплівую працу па ўвекавечванні спадчыны Песняра!

Выстаўка «Вандроўка з класікамі»

Апублікавана ад Пакінуць каментар

9 ліпеня 2020 года ў Дзяржаўным літаратурным музеі Янкі Купалы пачала працаваць выстаўка “Вандроўка з класікамі” да 70‑годдзя з дня нараджэння мастака Уладзіміра Сулкоўскага (1950 – 2013).

Подробнее

Пасадка саджанцаў бэзу “Паўлінка”

Апублікавана ад Пакінуць каментар

7 ліпеня з нагоды дня нараджэння Янкі Купалы госці і сябры музея накіраваліся ў Лагойскі раён у філіял музея “Акопы”, каб прыняць удзел у адмысловай акцыі “Пасадка саджанцаў бэзу “Паўлінка” – сумесны праект Дзяржаўнага літаратурнага музея Янкі Купалы, Нацыянальнага акадэмічнага тэатра імя Янкі Купалы і Цэнтральнага батанічнага сада Нацыянальнай акадэміі навук Беларусі.

Дзевяць саджанцаў бэзу пасаджаны там, дзе расквітнеў геній паэта, дзе ён нарадзіўся як лірык сусветнага значэння і выдатны драматург. Менавіта ў гэтай маляўнічай мясціне створаны ўсе п’есы паэта, у тым ліку і славутая камедыя “Паўлінка”.

  • Аляксандр Падабед і Юлія Шпілеўская
  • Анатоль Бутэвіч і Марта Голубева

Кожную вясну будзе квітнець і бэз “Паўлінка”, які з любоўю пасадзілі для ўсіх аматараў творчасці паэта: дырэктар Дзяржаўнага літаратурнага музея Янкі Купалы Алена Ляшковіч, генеральны дырэктар Нацыянальнага акадэмічнага тэатра імя Янкі Купалы Павел Латушка, народны артыст Беларусі Аляксандр Падабед, актрысы Купалаўскага тэатра, славутыя Паўлінкі: заслужаная артыстка Рэспублікі Беларусь Юлія Шпілеўская і Марта Голубева, а таксама пісьменнік, намеснік старшыні Беларускага фонда культуры Анатоль Бутэвіч. Самая вышэйшая ўзнагарода – гэта людская памяць. І беларусы прыносяць Янку Купалу гэты дар – сваю памяць праз чытанне яго твораў, праз адлюстраванне паэтычных радкоў на мастацкіх палотнах, праз стварэнне новых літаратурных шэдэўраў, новых бліскучых спектаўляў па яго п’есах, перадаючы гэтыя скарбы наступнаму пакаленню.

138 год з дня нараджэння Янкі Купалы

Апублікавана ад Пакінуць каментар

Як на свет радзіўся Янка…

Сёння спаўняецца 138 гадоў з дня нараджэння Янкі Купалы

У кожнага народа ёсць песняры, прарокі, што сілай свайго паэтычнага таленту вызначаюць не толькі шляхі развіцця роднай мовы, літаратуры, культуры, але і фарміруюць нацыянальную самасвядомасць, увасабляюць нацыянальную ідэю. Яны становяцца сімваламі свайго народа. Для беларусаў такім сімвалам стаў Янка Купала

Творчасць Янкі Купалы ад першага і да апошняга радка належыць Беларусі і яе нацыянальнай культуры

Віншуем усіх аматараў творчасці паэта!

« Предыдущие записи