Запрашаем да удзелу ў міжнародным конкурсе «Літаратурныя лёсы Беларусі і Расіі: ад дыялогу да разумення»
Санкт-Пецярбургскі дзяржаўны ўніверсітэт арганізуе Міжнародны конкурс «Літаратурныя лёсы Беларусі і Расіі: ад дыялогу да разумення», які прысвечаны 140-годдзю з дня нараджэння Янкі Купалы і 130-годдзю з дня нараджэння К.Г. Паўстоўскага. Конкурс скіраваны на выяўленне і развіццё ў беларускіх і расійскіх школьнікаў творчых здольнасцей і на заахвочванне іх цікавасці да навукова-даследчай дзейнасці.
Назва конкурсу «Літаратурныя лёсы Беларусі і Расіі: ад дыялогу да разумення» сімвалічная, бо жыцці і творчая дзейнасць Янкі Купалы і Паўстоўскага цесна звязаны з культурай Беларусі і Расіі. Падрыхтоўка навукова-даследчых работ на прадстаўленыя ў рамках конкурсу тэмы дапаможа школьнікам больш падрабязна даведацца аб літаратурнай спадчыне іншай краіны.
Конкурс складаецца з двух этапаў: на адборачным этапе (з 15 лістапада 2021 года па 24 лютага 2022 года) удзельнікі прадстаўляюць у пісьмовай форме навукова-даследчыя работы на выбраныя тэмы, заключны этап праводзіцца ў форме публічных вусных выступленняў пераможцаў адборачнага этапа.
Для таго каб прыняць удзел, неабходна азнаёміцца з інфармацыяй на афіцыйнай старонцы конкурсу, выбраць адну з прапанаваных тэм і прайсці рэгістрацыю шляхам накіравання запоўненай анкеты на афіцыйны адрас электроннай пошты конкурсу lit.competition@spbu.ru. У мэтах ажыццяўлення адукацыйна-асветніцкай дзейнасці і асвятлення пытанняў літаратурнай спадчыны, выкладчыкі Санкт-Пецярбургскага дзяржаўнага ўніверсітэта правядуць серыю анлайн-лекцый для ўсіх, хто цікавіцца творчасцю Янкі Купалы і К.Г. Паўстоўскага. З графікам правядзення лекцый са студзеня па люты 2022 г. таксама можна азнаёміцца на старонцы конкурсу (https://abiturient.spbu.ru/lit-competition).
