9 снежня 2016 года споўнілася 125 гадоў з Дня нараджэння любімага для многіх з нас паэта Максіма Багдановіча, талент якога адным з першых заўважыў Янка Купала.

Творчасць Максіма Багдановіча была цесна звязана з фальклорнымі крыніцамі: яго бабуля Анэля была выдатная казачніца, менавіта праз яе казкі Максім пазнаёміўся з Мовай. Моцна паўплывалі на паэта і этнаграфічныя даследванні яго бацькі Адама Рыгоравіча.

Студэнцкае этнаграфічнае таварыства сабрала некалькі цудоўных фальклорных гуртоў і выканаўцаў з прапановай падрыхтаваць праграму спяванай у фальклорнай манеры паэзіі Максіма Багдановіча.

• GUDA
• Горынь
• MIAREŽA
• Калыханка
• Раман Яраш
• Кася Радзівілава
• Віктар Сямашка і Кумпанія
• і іншыя

Такім чынам мы закругляем кола, завяршаем цыкл, даплятаем вянок, злучаючы вершы Максіма з каранёвай музыкай, жывымі галасамі і гучаннем народных інструментаў.