Навіны і падзеі

Увага! Унесены змены ў графік работы музея на красавік

Музей : 02.04.2020 12:27 : Навіны музея

Увага! Унесены змены ў графік работы музея на красавік:

Экспазіцыя працуе: панядзелак-пятніца з 9.45 да 17.30

  субота-нядзеля — выходны.

Комментировать »

Адмена вечара «Радыё: на хвалі мастацтва»

Музей : 31.03.2020 14:13 : Навіны музея

Запіс радыёэфіра канала «Культура» Беларускага радыё ў красавіку адмяняецца. Прыносім прабачэнні за нязручнасці

Комментировать »

3 і 4 красавіка 2020 года музей зачынены для наведвальнікаў. Санітарны дзень. Прыносім прабачэнні за нязручнасці!

Музей : 26.03.2020 13:48 : Анонс падзей, Навіны музея
Комментировать »

7 лютага 2020 года а 17-й гадзіне ў Дзяржаўным літаратурным музеі Янкі Купалы ў рамках XXVII Мінскай міжнароднай кніжнай выстаўкі-кірмашу адбудзецца прэзентацыя выдання “Янка Купала. Санеты”.

Музей : 04.02.2020 15:36 : Навіны музея

7 лютага 2020 года а 17-й гадзіне ў Дзяржаўным літаратурным музеі Янкі Купалы ў рамках XXVII Мінскай міжнароднай кніжнай выстаўкі-кірмашу адбудзецца прэзентацыя выдання “Янка Купала. Санеты”. Кніга, створаная па ініцыятыве музея, пабачыла свет у выдавецтве “Мастацкая літаратура” ў 2019 годзе. Пад вокладкай сабраны ўвесь санетарый Янкі Купалы, а таксама пераклады на 16 моў свету, зробленыя спецыяльна для выдання і апублікаваныя ўпершыню. Складальнікі кнігі – Міністр інфармацыі Рэспублікі Беларусь Алесь Карлюкевіч і дырэктар Дзяржаўнага літаратурнага музея Янкі Купалы Алена Ляшковіч. Творчая ідэя па ставарэнні новай кнігі была паспяхова рэалізавана дзякуючы выдавецтву “Мастацкая літаратура”.

Падчас прэзентацыі адбудзецца творчая сустрэча з перакладчыкамі санетаў Янкі Купалы на іспанскую, чувашскую і кітайскую мовы: Анхелай Эспіноса Руіс, народным паэтам Чувашыі Валерыем Тургаем і сп. Лі Цзо.

Імя даследчыцы-славісткі і перакладчыцы Анхелы Эспіносы Руіс сёння добра вядома ў Беларусі. 4 верасня 2019 года ў Мадрыдзе на філалагічным факультэце Універсітэта Камплутэнсэ яна паспяхова абараніла доктарскую дысертацыю па беларускай літаратуры. Работа над санетамі Янкі Купалы – другі вялікі перакладчыцкі праект пасля выбраных твораў Максіма Багдановіча. Беларуская амбасада ў Іспаніі ўручыла Анхеле Эспіносе Руіс падзяку Міністэрства культуры Беларусі за значны ўнёсак у развіццё беларуска-іспанскага культурнага супрацоўніцтва.

Вялікі гонар для беларусаў, што пераклад санетаў Янкі Купалы на чувашскую мову ажыццявіў народны паэт Чувашскай Рэспублікі Валерый Тургай, які яшчэ напрыканцы 2019 года анансаваў адкрыццё мемарыяльнай дошкі Янку Купалу ў Чэбаксарах, дзе на пачатку Вялікай Айчыннай вайны на 2 тыдні спыняўся беларускі класік па дарозе ў Казань.

На кітайскую мову санеты Янкі Купалы пераклаў паэт і мастак Лі Цзо. Яго персанальная выстаўка “Мастацтва каліграфіі” працуе ў Дзяржаўным літаратурным музеі Янкі Купалы ў дні правядзення XXVII Мінскай міжнароднай кніжнай выстаўкі-кірмашу. У каліграфічных надпісах прадстаўлены вершы самога мастака.

Выхад новай кнігі “Янка Купала. Санеты” – яскравы прыклад таго, як мова мастацкага твора дзякуючы рупліўцам-перакладчыкам становіцца пачаткам сяброўскага дыялогу паміж народамі і краінамі.

Комментировать »

Трэці вечар юбілейнага праекта «Радыё: на хвалі мастацтва»

Музей : 03.02.2020 15:09 : Навіны музея

Да 95-гадовага юбілею Беларускага радыё, які адзначаецца ў лістападзе, канал “Культура” працягвае праект “Радыё: на хвалі мастацтва” – шэраг пазнавальных тэматычных сустрэч са слухачамі.

Трэці вечар адбудзецца ў Дзяржаўным літаратурным музеі Янкі Купалы 6 лютага ў 19:00. Уваход – вольны.

На гэты раз перанясёмся ў 1940-я гады, калі айчыннае радыё вяшчала з Масквы, але велізарную ўвагу надавала мастацтву. Наведвальнікі апынуцца ў аўдыязале, пачуюць унікальныя фондавыя запісы (напрыклад, галасы Якуба Коласа і Рыгора Шырмы), сустрэнуцца з былымі і цяперашнімі супрацоўнікамі радыё… Музычным падарункам стане жывое выступленне капэлы Алеся Лася “ТрыА”.

Будзе весціся запіс вечара для трансляцыі на канале «Культура» Беларускага радыё 24 лютага 2020 года. 

Комментировать »

Запрашаем разам гукаць Вясну!

Музей : 21.01.2020 16:31 : Анонс падзей, Навіны музея

Даведацца больш »

Комментировать »

Адкрылася новая літаратурна-дакументальная экспазіцыя філіяла “Акопы”.

Музей : 15.01.2020 13:13 : Анонс падзей, Навіны музея

Даведацца больш »

Комментировать »

Адбыўся другі вечар у рамках праекта «Радыё: на хвалі мастацтва»

Музей : 03.01.2020 15:02 : Архіў навін, Навіны музея

На гэты раз мы перанесліся ў канец 1920-х — 1930-я гады і дазналіся пра станаўленне музычнага, літаратурна-драматычнага і дзіцячага вяшчання. Паслухалі фондавыя запісы, сустрэліся з былымі і цяперашнімі супрацоўнікамі радыё Наталляй Сіротка і Маргарытай Прохар. Музычным падарункам стала праслухоўванне сімфанічнай паэмы «Песні на Божае Нараджэнне» кампазітара Аляксандра Літвіноўскага.

Радыёэфір адбудзецца 27.01.2020 а 19-й гадзіне.

Комментировать »

Увага! Рамонтныя работы ў парку ім. Янкі Купалы!

Музей : 20.11.2019 12:16 : Аб'явы, Навіны музея

У парку імя Янкі Купалы вядуцца рамонтныя работы! У сувязі з гэтым праход па цэнтральнай алеі парка закрыты. 

Калі ласка, прытрымлівайцеся прапанаванага маршруту!

Комментировать »

Замежныя госці ў Купалавым доме!

Музей : 20.11.2019 11:41 : Навіны музея

11 лістапада 2019 года ў музей Янкі Купалы завіталі студэнты філалагічнага факультэта Белградскага універсітэта (Сербія), якія вывучаюць беларускую мову.

Комментировать »
« Старонка 1, 2, 3 ... 15, »