Навіны і падзеі

Хутка!!! 23 чэрвеня – культурна-масавыя мерапрыемствы ў рамках II Еўрапейскіх гульняў

Музей : 03.06.2019 12:22 : Навіны музея

У праграме:

На тэрыторыі парка імя Янкі Купалы

15.00 – 19.00 – спартыўнае свята “К&С” да Міжнароднага алімпійскага дня, у рамках якога адбудзецца “Вялікі шахматны турнір” і фінская гульня “Мёлькю”.

19.00 – 21.00 – традыцыйнае свята “Купальская ноч у Купалавым доме” пры падтрымцы студэнтаў і выкладчыкаў Беларускага дзяржаўнага ўніверсітэта культуры і мастацтваў.

На экспазіцыі музея

21.00 – 22.00 – квэст “Купалаў код”. Уваход: 3,00 рублі.

 

Комментировать »

Творчая сустрэча з Кшыштавам Шатраўскім!

Музей : 27.05.2019 10:51 : Архіў навін, Навіны музея

Комментировать »

Ноч музеяў 2019

Музей : 10.05.2019 17:29 : Анонс падзей, Навіны музея

У рамках Міжнароднай акцыі “Ноч музеяў 2019” Дзяржаўны літаратурны музей Янкі Купалы адзначыў свята “М75” з нагоды свайго 75-гадовага юбілею !
Даведацца больш »

Комментировать »

Рэспубліканскі суботнік!

Музей : 10.05.2019 17:25 : Навіны музея

20 красавіка 2019 года ў філіяле “Акопы” у рамках рэспубліканскага суботніка добраўпарадкавалі тэрыторыю супрацоўнікі Нацыянальнага банка Рэспублікі Беларусь.

Калектыў Дзяржаўнага літаратурнага музея Янкі Купалы шчыра ўдзячны за аказаную дапамогу!

Комментировать »

“Жанчына…Каханне…Вясна”

Музей : 19.04.2019 15:33 : Навіны музея

11 красавіка ў музеі адбылася літаратурна-музычная імпрэза

“Жанчына…Каханне…Вясна” для членаў Мінскага Міжнароднага Жаночага Клуба жонак паслоў, дыпламатаў і замежных прадстаўнікоў

Жанчыны пазнаёміліся з традыцыямі беларускага вяселля: слухалі аўтэнтычныя спевы ў выкананні фальклорнага калектыву “Гуда”, рыхтавалі вясельны вянок і каравай, завівалі намітку, перавязвалі сватоў, варажылі, вучыліся танцаваць беларускую “Лявоніху”, даведаліся і пра гісторыю кахання Янкі Купалы.

У другой часцы праграмы чыталі вершы на сваёй роднай мове, прысвечаныя вясне, прыгажосці, жанчыне, каханню, а таксама згадвалі кветкавы сімвал краіны, якую прадстаўлялі.

У якасці музычнага падарунка для ўсіх прысутных прагучалі песні ў выкананні вядомых бардаў Алеся Камоцкага і Максіма Знака.

Напрыканцы запрасілі ўсіх на кубачак гарбаты з вясельным караваем!

Комментировать »

Сапраўдныя купаляняты!

Музей : 19.04.2019 15:11 : Навіны музея

У 2019 годзе спаўняецца 75 гадоў з таго дня, як была папісана Пастанова аб стварэнні музея Янкі Купалы, у той жа год імя паэта пачала насіць і школа № 19, якая ў гэтым годзе адзначае 100-гадовы юбілей.
Вучні 4 класа 18.04.2019 завіталі ў музей на квэст «У пошуках-папараць-кветкі», якія супрацоўнікі музея дапоўнілі творчымі заданнямі. Адно з іх — напісаць бурымэ (напісанне верша па зададзенай рыфме). Размяшчаем адно з лепшых:

Пракрычу я громка

Маю я надзею

Родную старонку

Бачу я ў музеі.

Комментировать »

19 красавіка адбылося адкрыццё выстаўкі “Настаўнікам быў беларускі абшар” Барыса і Аксаны Аракчэевых.

Музей : 12.04.2019 13:13 : Навіны музея

Выстаўка – працяг добрай традыцыі мерапрыемстваў, прымеркаваных да дня народзінаў 19 красавіка выдатнага мастака і педагога, заслужанага дзеяча мастацтваў Беларусі, кавалера ордэна Францыска Скарыны Барыса Аракчэева, які ўнёс незаменны ўклад у справу ўшанавання памяці Янкі Купалы.

Шляхі вайны ў 1944 годзе прывялі пачынальніка мастацкай дынастыі Аракчэевых на беларускую зямлю, якая стала для яго домам і крыніцай натхнення! Менавіта тэма беларускай прыроды, якая адрадзілася пасля жахаў вайны, надалей стане адной з вядучых у творчасці мастака. Краявіды Мінска, беларускіх мястэчак, выкананныя ў пазнавальным стылі майстра, працягваюць адначасова традыцыі рускага рэалістычнага мастацтва і французскага імпрэсіянізму.

Барыс Уладзіміравіч самастойна вывучаў беларускую мову, каб чытаць Купалу ў арыгінале. За гадзіну да смерці, 10 сакавіка 2013 года, мастак завяршыў палатно, прысвечанае Песняру, літаральна за некалькі дзён да адкрыцця персанальнай выстаўкі ў Купалавым доме, якую ён так шчыра чакаў.

Сёння справу бацькі працягвае яго дачка, мастак, куратар GaleriaKARAS Аксана Аракчэева. Плённае супрацоўніцтва з музеем Янкі Купалы ўжо праявілася ў шэрагу выставачных праектаў.

Яна адзначае: “Зараз я хачу паказаць тыя творы Барыса Аракчэева, якія яшчэ ніколі не экспанаваліся. Краявіды, напісаныя ў розныя перыяды творчасці мастака, створаныя падчас плэнэраў майстра са сваімі студэнтамі па нашай краіне. Знакаміты жывапісец, творы якога захоўваюцца ў шматлікіх музеях і галерэях Беларусі, за межамі краіны,  Б.В. Аракчэеў быў і выдатным педагогам. На выстаўцы упершыню будзе прадстаўлены эцюд 1961 года, напісаны ў ваколіцах Вязынкі – радзімы Янкі Купалы.

Я  – як справаздачу для таты – паказваю творы апошнія, зробленыя ў 2018 годзе. Гэта ілюстрацыі да кнігі казак Васіля Дранько-Майсюка «Таямніцы нашага садка»”.

Убачыць творы мастацкай дынастыі можна да 3 мая 2019г.

Комментировать »

Музеі XXI ст. Новыя сэнсы, новая прастора, новыя вобразы

Музей : 03.04.2019 10:50 : Навіны музея

9–10 красавіка 2019 г. у Нацыянальнай бібліятэцы Беларусі адбудзецца Міжнародная канферэнцыя «Музеі XXI ст. Новыя сэнсы, новая прастора, новыя вобразы”, арганізаваная Міністэрствам культуры Рэспублікі Беларусь у партнёрстве з Дзяржаўным літаратурным музеем Янкі Купалы, Нацыянальным гістарычным музеем Рэспублікі Беларусь, Фондам “Культурная спадчына і сучаснасць”, Беларускім камітэтам Міжнароднага Савета Музеяў “ІСОМ”, Рэспубліканскім Саветам дырэктароў музеяў.

Работа канферэнцыі скіравана на вырашэнне практычных пытанняў удасканалення, развіцця і эфектыўнага кіравання музеямі і музейнымі калекцыямі ва ўмовах хуткіх сацыяльных трансфармацый і пераўтварэнняў, а таксама на пошукі новых тыпаў камунікацыі і дыялогу, якія музеі павінны генерыраваць ў XXI ст.

У канферэнцыі прымаюць удзел музейныя спецыялісты, а таксама даследчыкі ў галіне музеалогіі і культурнай спадчыны з Беларусі, Германіі, Расіі, Латвіі, Літвы, Грузіі, Польшчы, Азербайджана, ЗША і Кітая. Сярод ключавых дакладчыкаў – Ганс Марцін Хінс, экс-Прэзідэнт Міжнароднага Савета Музеяў (2010–2016 гг.), Міхаіл Гнядоўскі, вядучы расійскі музеолаг, і Сяргей Ушакін, выкладчык Прыстанскага ўніверсітэта (ЗША), вядомы культуролаг і філосаф,.

Праблемнае поле канферэнцыі:

  • Дзейнасць музеяў у кантэксце глабальных праблем сучаснасці.
  • Узаемадзеянне музеяў з мясцовымі супольнасцямі.
  • Удасканаленне стандартаў прафесійнай музейнай дзейнасці.
  • Музейная адукацыя і камунікацыя, інклюзіўныя музейныя праекты.
  • Супрацоўніцтва, партнёрства, адвакацыя ў сучаснай музейнай прасторы.

За апошнія дзесяцігоддзі музеі зведалі велізарныя змены, але нашы ўяўленні аб музеях як цэнтрах спадчыны і камунікацыі практычна не змяніліся. Тым не менш музейную супольнасць сёння не могуць не хваляваць выклікі і праблемы, з якімі яна сутыкнулася ў XXI ст. Якія з музеяў могуць і застануцца запатрабаванымі грамадствам? Якія ключавыя фактары і перспектывы ўплываюць на тое, як павінны і могуць дзейнічаць музеі ў сучасных умовах? Як на музеі ўплывае змяненне дэмаграфічнага клімату, эвалюцыя звязаных з імі супольнасцяў? Якое патэнцыйнае ўздзеянне на музеі аказвае глабальны рынак мастацтва? Нарэшце, як музеі сёння павінны рэагаваць на сацыяльныя і палітычныя змены, на трансфармацыю патрэбаў музейнай аўдыторыі?

Адказ на гэтыя выклікі і праблемы паспрабуем знайсці на маючай адбыцца міжнароднай сустрэчы прафесіяналаў.

Задача канферэнцыі – стварыць перспектыўную платформу для пастаяннага супрацоўніцтва як унутры музейнай экспертнай супольнасці Беларусі, так і ў больш шырокім міжнародным кантэксце.

Азнаёміцца з праграмай міжнароднай канферэнцыі

Комментировать »

Музычная праграма «Тутэйшы»

Музей : 28.03.2019 16:47 : Навіны музея

Аляксандр Віслаўскі – спявак, кампазітар, аранжыроўшчык. Вучыўся ў сярэдняй спецыяльнай музычнай школе пры Беларускай Дзяржаўнай Кансерваторыі і Інстытуце культуры па класу акадэмічнае харавое дырыжыраванне.

Працаваў у маладзёжнай студыі ансамбля «Песняры» (1985-86), у ансамблі «Праспект (1986-87) і «Песняры» (1987-91); у эстрадным аркестры Белдзяржтэлерадыёкампаніі (1991-93); у эстрадным аркестры п/к М. Фінберга (1993-95); у групе «Рублёвая зона» (1995-97) і інш.

Праца над альбомам «Тутэйшы» на вершы Янкі Купалы працягвалася больш за год. Падбор вершаў заняў большую палову часу.

Праграма складаецца з 8-мі твораў:

 

  1. Дам я вам слоўца
  2. Тутэйшы
  3. Я ад вас далёка
  4. Памяці Шаўчэнкі
  5. Над калыскай
  6. Жыды
  7. Паўстань
  8. Песня мая

 

“На мой погляд, тэма, якая аб’ядноўвае гэтыя творы – гэта патрыятызм, любоў да Радзімы, да свайго народу. Я шчаслівы чалавек! Бог даў мне магчымасць і стварыў умовы для маёй працы. За апошнія тры гады – гэта трэці беларускамоўны альбом”.

 

Аляксандр Віслаўскі.

 

Комментировать »

З Сусветным днём паэзіі!

Музей : 21.03.2019 19:31 : Навіны музея

У Сусветны дзень паэзіі ў Дзяржаўным літаратурным музеі Янкі Купалы было багата гасцей і цікавых падзей: з вучнямі сталічных школ ладзілі «Гуканне вясны», для супрацоўнікаў Пасольства Злучаных Штатаў Амерыкі праводзілі экскурсію і акцыю «Чытаем Купалу разам», прымалі слухачоў факультэта павышэння кваліфікацыі Беларускай Дзяржаўнай Акадэмііі музыкі і ўсе разам слухалі песні на беларускай, украінскай і рускай мовах у выкананні студэнтаў з КНР і, канешне, чыталі Янку Купалу па-беларуску і ў перакладах.

Дзякуй усім!

Свята адбылося!

Комментировать »
« Старонка 1, 2, 3, 4 ... 17, »