На тэрыторыі філіяла «Вязынка» сумесна са спартыўна-масавай установай «Федэрацыя прыгодніцкіх гонак» адбылося ўрачыстае адкрыццё і старт аматарскага забегу «Зіма мінус 100», прысвечанага 135-годдзю з дня нараджэння Янкі Купалы. Даведацца больш »

Янка Купала – адзін з самых уганараваных беларускіх творцаў. Ягоным імем названы вуліцы, яму пастаўлены помнікі і адкрыты мемарыяльныя дошкі. Спадчына Янкі Купалы – здабытак беларускай і сусветнай культуры. Даведацца больш »

Прадстаўнікі зборнай Славакіі па хакею наведалі музей і прачыталі вершы Янкі Купалы на славацкай мове, якія перакаў Пасол Славакіі ў Беларусі у 2008-2013 гг. Мар’ян Серватка. Даведацца больш »

Грузінская група «Bani» наведала інтэрактыўную музейную праграму «Калядкі ў Купалавым доме». Беларускія калядныя песні і гульні, «Кура-шчабятура», грузінскія народныя песні і «Елачка» на беларускай мове ў перакладзе Янкі Купалы — свята удалося! Даведацца больш »

На выстаўцы прадстаўлены малюнкі, створаныя падчас дабрачыннага мастацкага праекта “Малюем Каляды разам”. Аўтары мастацкіх работ – дзеці з аутызмам і іх сябры. Даведацца больш »

9 снежня 2016 года споўнілася 125 гадоў з Дня нараджэння любімага для многіх з нас паэта Максіма Багдановіча, талент якога адным з першых заўважыў Янка Купала. Даведацца больш »

13 снежня 2016 года а 17-й гадзіне ў Дзяржаўным літаратурным музеі Янкі Купалы адбылася прэзентацыя каталога фатаграфій Уладзіславы Францаўны Луцэвіч “На добры ўспамін…”. Даведацца больш »

У Дзяржаўным літаратурным музеі Янкі Купалы 7 снежня а 13 гадзіне  адбыўся фінал традыцыйнага конкурсу чытальнікаў твораў беларускіх аўтараў сярод школьнікаў. Даведацца больш »

ЧАС СВЯТКАВАЦЬ!

З 15 снежня 2016 года па 31 студзеня 2017 года (акрамя суботы і нядзелі) Дзяржаўны літаратурны музей Янкі Купалы запрашае на “Калядкі ў Купалавым доме” дзяцей ад 5 да 10 гадоў, іх бацькоў і настаўнікаў.

Для маленькіх сяброў мы падрыхтавалі цікавую святочную праграму і прапаноўваем:

• Даведацца, як адзначаюць каляды ў Беларусі на працягу апошних 100 гадоў
• Павадзіць карагоды з калядоўшчыкамі і Казой
• Паспяваць ды патанчыць
• Прыняць удзел у актыўных гульнях
• Паглядзець лялечны спектакль “У пошуках Снягуркі”
• Атрымаць падарунак ад Снягурачкі

Уваход: 5 рублёў.

Абавязковы папярэдні запіс!!!

 (017) 327 78 66

Падчас правядзення інтэрактыўных музейных заняткаў часта здараюцца вельмі смешныя выпадкі:

1. Настаўніца вучням падчас правядзення інтэрактыўнага музейнага занятка: “Как вы себя ведёте? Вы же в приличное место пришли, а не в школу!”

2. Занятак “Калядкі ў Купалавым доме”. Вядучы задае пытанне, а 6-гадовыя дзеці адказваюць:

— Больш чым дзве тысячы гадоў таму нарадзіўся сын Божы. Як яго звалі?

— Янка Купала!!!

3. Пытанне ад вядучага:

— Дзеці, кім вы будзеце працаваць пасля вучобы?

                Адказы былі розныя, але часцей гучала: “вецерынарам”.

— А хто ж будзе лячыць людзей?

— Я, – крычыць 6-гадовая дзяўчынка.

— Якім доктарам будзеш?

— Паталагаанатамам!!!

4. Занятак “Калядкі ў Купалавым доме”. Дзяўчынка вельмі прыгожа танчыла з Казой. Калядоўшчык кажа:

— Прасі ў Казы што любіш: сала ці цукерку!

— Я люблю платья!